Ríkisstjórnarfundur í hlíðum Everest

Ríkisstjórn Nepals ætlar að funda í hlíðum Everest , hæsta fjalls heims, í vikunni. Þetta gerir stjórnin til að vekja athygli á áhrifum hlýnunar jarðar í Himalaya fjöllum áður en loftslagsráðstefna Sameinuðu þjóðanna hefst í Kaupmannahöfn 7. desember.

Ban Ki-moon, framkvæmdastjóri Sameinuðu þjóðanna, er bjartsýnn á að góður árangur muni nást á ráðstefnunni og að þjóðarleiðtogarnir sem koma á fundinn muni koma sér saman um að draga úr losun gróðurhúsalofttegunda.

Everest er 8850 metra hátt en ríkisstjórnarfundurinn verður haldinn í 5250 metra hæð yfir sjávarmáli. Læknar munu fylgjast vel með forsætisráðherranum og þeim ráðherrum sem eru í nægjanlega góðu líkamlegu formi til geta verið í svo mikilli hæð.