Alex Ferguson: Mikilvægt að ná að halda aftur hreinu

Alex Ferguson, stjóri Manchester United, var ánægður með 1-0 sigur liðsins á Porto í Meistaradeildinni í kvöld en með því komst liðið í sjötta sinn í undanúrslit keppninnar undir hans stjórn

„Mínir menn spiluðu vel. Góð einbeiting í vörninni var lykillinn að þessu og það er mjög mikilvægt að ná að halda aftur hreinu. Það skipti liðið miklu máli að fá aftur stöðugleika í vörnina," sagði Alex Ferguson.

Cristiano Ronaldo skaut landa sína í Porto út úr Meistaradeildinni með stórkostlegu sigurmarki eftir aðeins sex mínútna leik.

„Ronaldo hitti boltann frábærlega og hann kom þeim algjörlega á óvart. Markvörðurinn þeirra átti aldrei möguleika," sagði Ferguson.