Það kemur enginn í stað Collina

Cesare Gussoni, yfirmaður dómarasambandsins, segir ekki koma til greina að annar maður en Pierluigi Collina sjái um að velja dómara á leiki í ítölsku A-deildinni.

Dómgæslan í A-deildinni hefur verið harðlega gagnrýnd af þjálfurum í vetur og heyrst hefur að einhverjir vilji að hinn goðsagnakenndi fyrrum dómari verði leystur úr embætti sínu.

"Ég sé það ekki gerast að Collina verði settur af. Ég held reyndar að það sé ekki hægt. Collina er fastur fyrir í starfi sínu og hæfilega kaldur," sagði Gussoni í samtali við Gazzetta Dello Sport.