Evra: Menn á móti krökkum

Patrice Evra, varnarmaður Man. Utd, var ekkert að skafa utan af því eftir leikinn á Emirates í kvöld.

„Við sönnuðum enn og aftur í kvöld hvað við erum gott lið. Þeir töluðu voða mikið um sinn fallega leik en ólíkt þeim þá fengum við færri mörk á okkur og unnum. Við spiluðum þess utan vel," sagði Evra.

„Þetta voru sanngjörn úrslit. Við hefðum samt getað unnið 3-0. Í fótbolta skiptir fegurðin ekki öllu máli. Við erum ellefu menn en þeir eru ellefu krakkar. Við erum þroskaðri og höfum meiri reynslu," sagði Evra en ummæli hans eiga eflaust eftir að fara illa í Arsenal-menn.