Frank Lampard: Þetta var frábær fótboltaleikur

Chelsea sló Liverpool út úr Meistaradeildinni annað árið í röð þegar liðin gerðu 4-4 jafntefli í seinni leiknum á Brúnni í kvöld. Chelsea vann því samanlagt 7-5. Frank Lampard og Didier Drogba áttu mikinn þátt í því að Chelsea náði að vinna upp forskot Liverpool frá því í fyrri hálfleik.

„Við vorum mjög óánægðir eftir fyrri hálfleikinn því vorum ekki með í honum. Kannski fórum við aðeins á taugum og það gat verið að mörkin sem Bolton skoraði á okkur á laugardaginn hafi verið enn að plaga okkur," sagði Didier Drogba sem skoraði fyrsta marki Chelsea og átti þátt í hinum þremur.

„Þetta var frábær fótboltaleikur. Við gerðum okkur erfitt fyrir í fyrri hálfleik með því að spila mjög illa. Við sýndum okkar sterka karakter með því að snúa þessu við og ná að jafna leikinn," sagði Frank Lampard sem skoraði tvö mörk í kvöld.