Inzaghi skoraði þrennu í sigri AC Milan

Filippo Inzaghi skoraði þrennu í öruggum 3-0 sigri AC Milan á Atalanta í ítölsku A-deildinni í dag. Sigurinn léttir nokkurri pressu af þjálfaranum Carlo Ancelotti.

David Beckham var í liði Milan í dag og átti þátt í fyrsta marki liðsins, en hann lét ekki óvissuna um framtíð sína trufla sig í leiknum. Í dag var tilkynnt formlega að enski landsliðsmaðurinn yrði áfram í herbúðum Milan til 30. júní í sumar.

Inter er áfram á toppnum á Ítalíu og hefur 63 stig eftir sigur á genoa í gær. Fiorentina var ekki svo heppið í dag og tapaði 2-0 fyrir Palermo á heimavelli. Liðið er í fjórða sæti með 46 stig.

Juventus er í öðru sæti með 56 stig og Milan í þriðja með 51 stig.

Úrslitin á Ítalíu í dag:



AC Milan 3-0 Atalanta

Bologna 3-0 Sampdoria

Catania 0-3 Siena

Chievo 1-1 Cagliari

Fiorentina 0-2 Palermo

Lecce 0-0 Reggina

Napoli 0-2 Lazio

Síðar í kvöld leika Roma og Udinese

Staðan í ítölsku A-deildinni