Inter bætti í forskotið - Beckham skoraði aftur

Inter náði í kvöld sex stiga forskoti á toppi ítölsku A-deildarinnar þegar liðið vann 2-0 sigur á Siena á Sikiley þrátt fyrir að vera manni færri allan síðari hálfleik.

Dejan Stankovic kom lærisveinum Jose Mourinho yfir eftir aðeins fimm mínútur en fyrrum Portsmouth-maðurinn Sulley Muntari lét reka sig af velli eftir rúmlega hálftíma fyrir harða tæklingu. Það kom þó ekki að sök og sænska markamaskínan Zlatan Ibrahimovic fagnaði endurkomu sinni í liðið með einn einu markinu.

AC Milan varð að gera sér að góðu 1-1 jafntefli við Genoa á heimavelli sínum. David Beckham skoraði annan leikinn í röð fyrir Milan þegar hann skoraði beint úr aukaspyrnu en markahrókurinn Diego Milito jafnaði í lokin fyrir Genoa. Fabio Capello landsliðsþjálfari Englendinga fylgdist með leiknum og hefur eflaust hrifist af frammistöðu Beckham, sem reyndar haltraði af velli á 70. mínútu og virtist vera meiddur.

Juventus er enn í öðru sæti deildarinnar á eftir Inter þrátt fyrir 2-1 tap gegn Udinese í kvöld og Roma endurheimti Francesco Totti úr meiðslum með 2-1 sigri á Palermo á heimavelli þar sem fyrirliðinn spilaði sinn fyrsta leik í mánuð og skoraði mark.

Inter er á toppnum með 49 stig, Juventus hefur 43 stig, Milan 41, Genoa 37 og Roma 36 stig í fimmta sæti.

Úrslit kvöldsins:

AC Milan 1 - 1 Genoa

1-0 D. Beckham ('33)

1-1 D. Milito ('87)

Catania 0 - 2 Inter Milan

0-1 D. Stankovic ('5)

0-2 Z. Ibrahimovic ('71)

Atalanta 0 - 1 Bologna

0-1 S. Volpi ('80)

Udinese 2 - 1 Juventus

1-0 F. Quagliarella ('20)

2-0 A. Di Natale ('74)

2-1 V. Iaquinta ('77)

Sampdoria 3 - 1 Lazio

1-0 G. Delvecchio ('13)

1-1 T. Rocchi ('30)

2-1 A. Cassano ('51)

3-1 M. Stankevicius ('54)

Chievo Verona 1 - 1 Lecce

0-1 G. Vives ('56)

1-1 A. Mantovani ('88)

Fiorentina 2 - 1 Napoli

1-0 M. Santana ('47)

1-1 L. Vitale ('49)

2-1 R. Montolivo ('79)

Roma 2 - 1 Palermo

1-0 F. Totti ('24)

1-1 E. Cavani ('31)

2-1 M. Brighi ('45)

Torino 0 - 0 Reggina

Cagliari 1 - 0 Siena

1-0 R. Acquafresca ('37)