Pepsi-deildin næstu þrjú árin

SportFive og Ölgerðin hafa skrifað undir styrktaraðilasamning um að Íslandsmótið í knattspyrnu, efsta deild karla og kvenna, beri nafn Pepsi næstu þrjú árin.

Þetta tilkynnti Geir Þorsteinsson, formaður KSÍ, á blaðamannafundi í höfuðstöðvum sambandsins í dag.

SportFive er rétthafi markaðsleyfa fyrir efstu deild karla hér á landi.

Geir tók sérstaklega fram að Pepsi-deildin sé komin til að vera næstu þrjú árin en á síðasta ári samningstímans, árið 2011, verður Íslandsmót karla 100 ára gamalt.