Wenger: Eigum helmingslíkur á að komast áfram

Arsene Wenger, stjóri Arsenal, þykist mátulega bjartsýnn á að lið hans nái að slá spænska liðið Villarreal út úr Meistaradeild Evrópu fyrir fyrri leik liðanna á Spáni í kvöld.

"Ég held að þetta sé 50/50 leikur," sagði Frakkinn á blaðamannafundi. "Enginn reiknar með sigri okkar í keppninni og þegar litið er á veðbankana, er nafn Arsenal hvergi að sjá. Það eru Liverpool, Manchester United og Barcelona sem allir veðja á. Þetta setur minni pressu á okkur, en slíkt hefur ekki allt að segja þegar komið er út á völlinn," sagði Wenger.