Gerrard: Vörnin á hrós skilið

Steven Gerrard, fyrirliði Liverpool, vill ekki einoka hetjustimpilinn eftir að hafa skorað bæði mörkin í 2-1 sigri á Marseille í kvöld.

„Við lékum vel í fyrri hálfleik en þeir voru okkur erfiðir í seinni hálfleiknum og pressan var stíf á köflum," sagði Gerrard.

„Hetjur kvöldsins voru Reina markvörður og öftustu fjórir. Þeir áttu allir magnaðan leik. Það eru áhyggjuatriði hvað Frakkarnir réðu lögum og lofum í seinni hálfleiknum og við verðum að fara yfir það."

Fyrra mark Gerrard var hreint magnað en hægt er að sjá það með því að smella hér.