Fótbolti

Kaka framlengir hjá AC Milan til 2013

Eiríkur Stefán Ásgeirsson skrifar
Kaka er hér í leik með AC Milan.
Kaka er hér í leik með AC Milan. Nordic Photos / Getty Images

Brasilíumaðurinn Kaka hefur ákveðið að framlengja samning sinn við AC Milan til ársins 2013. Þetta var staðfest á heimasíðu AC Milan í dag.

Kaka kom fyrst til AC Milan frá Santos í heimalandi sínu árið 2003 og hefur síðan þá stöðugt verið orðaður við önnur lið, allra helst Real Madrid og Barcelona.

En þrátt fyrir slakt gengi Evrópumeistaranna á tímabilinu hefur Kaka nú ákveðið að halda tryggð við félagið. AC Milan er sem stendur í fimmta sæti ítölsku úrvalsdeildarinnar, nítján stigum á eftir toppliði Inter.

Kaka var í fyrra valinn leikmaður ársins af FIFA og hann hlaut þar að auki Gullna knöttin sem France Football veitir ár hvert.

Ítalski boltinn

Mest lesið


Fleiri fréttir

Sjá meira


×

Mest lesið