New Orleans og Houston skipta á leikmönnum

Nú er aðeins um klukkutími þangað til leikmannamarkaðurinn í NBA lokar en aðeins ein skipti hafa farið fram til þessa í dag. Houston lét þá Bonzi Wells og Mike James fara til New Orleans í skiptum fyrir Bobby Jackson.

Einhverjir valréttir og nokkrir minni spámenn koma við sögu í skiptunum og þar af kemur lið Memphis eitthvað inn í skiptin.

Mikið er slúðrað um möguleg leikmannaskipti á síðustu stundu í deildinni og fylgst verður með gangi mála fram á kvöld hér á Vísi.