Milan tapaði fyrir Atalanta

Atalanta skellti sér í sjötta sæti ítölsku A-deildarinnar í knattspyrnu í kvöld með 2-1 sigri á Evrópumeisturum AC Milan. Heimamenn lentu undir í leiknum þegar skot Gennaro Gattuso hrökk af varnarmanni og í netið, en þeir Antonio Langella og Fernando Tissone tryggðu Atalanta sigurinn.

Atalanta hafði ekki unnið sigur í fimm leikjum fyrir viðureign kvöldsins en tapið er Milan mikið áfall. Liðið hafði gert sér vonir um að bæta fyrir lélega byrjun og ná Evrópusæti, en á því verður einhver bið. Liðið fór illa með færi sín í leiknum í kvöld og er aðeins í 10. sæti deilarinnar með 24 stig úr 17 leikjum - 25 stigum á eftir grönnum sínum í Inter sem eru á toppnum.