Gattuso ekki á förum frá AC

Gennaro Gattuso, miðjumaðurinn harði, segist aldrei hafa íhugað að yfirgefa AC Milan. Talað hefur verið um að hann yrði látinn fara í sumar-hreinsunum á San Siro eftir að liðinu mistókst að vinna sér inn sæti í Meistaradeildinni.

Þýska liðið Bayern München sýndi honum áhuga ásamt ensku liðunum Arsenal, Tottenham og Newcastle. Gattuso gaf það þó út í gær að hann verður áfram með AC Milan þar sem hann er samningsbundinn til 2011.

„Ég vill ekki gera sömu mistök og Andriy Shevchenko með því að yfirgefa félagið sem einhver svikari," sagði Gattuso meðal annars.