Liverpool hefur forystu í hálfleik

Liverpool hefur yfir 1-0 gegn Chelsea þegar flautað hefur verið til hálfleiks í fyrri leik liðanna í undanúrslitum Meistaradeildarinnar. Það var Hollendingurinn Dirk Kuyt sem skoraði mark Liverpool skömmu áður en flautað var til hálfleiks.

Heimamenn hafa verið öllu beittari í fyrri hálfleiknum og það var Fernando Torres sem fékk besta færi Liverpool áður en markið kom, en Petr Cech sá við honum.

Chelsea vildi fá vítaspyrnu eftir rúmlega hálftíma leik þegar Didier Drogba féll við vítateiginn eftir viðskipti við Jamie Carragher, en dómarinn sá ekki ástæðu til að dæma víti.