Gefst ekki upp á Adriano

Roberto Mancini, þjálfari Ítalíumeistara Inter, hefur enn trú á því að Adriano eigi sér framtíð hjá félaginu. Sífelld vandræði hafa umkringd þennan stóra og stæðilega brasilíska framherja.

Samskipti Mancini og Adriano hafa verið neikvæð síðan sá síðarnefndi brást ókvæða við því að hafa verið skipt af velli gegn Reggina. Talað hefur verið um að Adriano fari frá Inter þegar félagaskiptaglugginn opnar í janúar.

Í gær mætti Adriano síðan ekki á æfingu hjá Inter. „Það voru vandamál í gær en Adriano mætti í dag á æfingu. Ég vona að hann geti farið að lifa hefðbundnu lífi á nýjan leik og finni sitt fyrra form," sagði Mancini.

„Það eina sem ég get gert er að vonast til þess að hann komi öllu í lag í einkalífinu. Þá fyrst er hægt að koma öllu í lag á vellinum."