Francis keyptur út hjá Portland

Fjölmiðlar í Bandaríkjunum greina frá því í morgun að bakvörðurinn Steve Francis muni verða keyptur út úr samningi sínum hjá Portland Trailblazers fyrir um 30 milljónir dollara. Francis var skipt til Portland frá New York á dögunum, en félagið hefur ekki í hyggju að nota leikstjórnandann.

Francis skoraði aðeins 11 stig að meðaltali með New York á síðustu leiktíð sem er langt undir meðaltali hans á ferlinum sem er rúm 18 stig og 6 stoðsendingar í leik. Francis verður því væntanlega með lausa samninga á næstu dögum og hefur þegar verið orðaður við LA Glippers og Dallas Mavericks.