Chicago - Detroit í beinni á miðnætti

Sjötti leikur Chicago Bulls og Detroit Pistons í undanúrslitum Austurdeildar í NBA verður sýndur beint á NBA sjónvarpsrásinni á miðnætti í kvöld. Detroit komst í 3-0 í einvíginu en Chicago getur jafnað metin í 3-3 með sigri á heimavelli í kvöld. Annað kvöld verður svo NBA sannkölluð NBA veisla í sjónvarpinu.

Fyrir þá sem ekki geta séð leik Chicago og Detroit í nótt er rétt að geta þess að leikurinn verður sýndur á Sýn annað kvöld. Þá verður líka bein útsending frá sjötta leik New Jersey og Cleveland á NBA TV klukkan 23 þar sem staðan er 3-2 fyrir Cleveland og rúsínan í pylsuendanum er bein útsending Sýnar frá sjötta leik San Antonio og Phoenix sem hefst um klukkan 1:30. Þar getur San Antonio tryggt sér sæti í úrslitum Vesturdeildar með sigri á heimavelli.