Nýr framkvæmdastjóri KSÍ

Stjórn KSÍ samþykkti á fundi sínum í dag að veita Geir Þorsteinssyni, nýjum formanni sambandsins, heimild til að ráða Þóri Hákonarson í stöðu framkvæmdastjóra.

Eftir því sem fram kemur á vef KSÍ er Þórir fæddur árið1969, með BA próf í Stjórnmálafræði frá Háskóla Íslands og MSc próf í International Relations frá London School of Economics and Political Science.

Hann var skrifstofustjóri Siglufjarðarkaupstaðar frá árinu 1997-2006 og um leið staðgengill bæjarstjóra. Hann hefur gegnt margvíslegum trúnaðarstörfum fyrir Knattspyrnufélag Siglufjarðar og hefur verið formaður frá árinu 2001.