Steve Nash verður ekki með í stjörnuleiknum

Kanadamaðurinn Steve Nash hjá Phoenix Suns verður ekki með í stjörnuleiknum í NBA sem fram fer í Las Vegas á sunnudaginn. Nash er meiddur á öxl og verður honum því gefið algjört frí frá því að spila þangað til 20. febrúar.

Það kemur í hlut David Stern, forseta deildarinnar, að velja eftirmann Steve Nash í stjörnuleiknum og talið er líklega að annar Utah-leikmaðurinn Mehmet Okur eða Deron Williams muni hreppa hnossið. Þeir Elton Brand hjá LA Clippers og Zach Randolph gætu einnig komið til greina.