Danir með tveggja marka forystu í hálfleik

Þegar flautað hefur verið til hálfleiks í viðureign Dana og Tékka á HM í handbolta er staðan 17-15, Dönum í vil. Tékkar komu Dönum í opna skjöldu með mikilli baráttu í upphafi leiks og náðu meðal annars 7-2 forystu. Danir hafa hins vegar náð að vinna sig aftur inn í leikinn og gott betur. Ef Danir sigra mæta þeir Íslendingum í 8-liða úrslitum.

Frakkar lentu í miklum vandræðum með Túnisa og unnu með aðeins tveggja marka mun, 28-26. Frakkarnir hvíldu hins vegar sína bestu leikmenn enda gríðarlega erfiður leikur gegn Króötum framundan í 8-liða úrslitum.