Salihamidzic fer til Juventus

Bosníumaðurinn Hasan Salihamidzic hjá Bayern Munchen hefur gert samkomulag við ítalska liðið Juventus um að ganga í raðir þess næsta sumar. Salihamidzic er þrítugur og hefur verið hjá Bayern síðan árið 1998. Hann hefur samþykkt að skrifa undir fjögurra ára samning við ítalska félagið.

Hann hefur átt frábæran feril með þýsku meisturunum og hefur síðan 1998 unnið sex meistaratitla, fjóra bikarmeistaratitla og var svo í liði Bayern sem varð Evrópumeistari árið 2001. Salihamidzic á að baki 292 leiki með Bayern og lagði skóna á hilluna með landsliði Bosníu í ágúst á síðasta ári. Hann spilaði fyrst með HSV í Þýskalandi árið 1992, áður en hann gekk í raðir Bayern.