O´Sullivan gekk út

Sá fátíði atburður átti sér stað á breska meistaramótinu í snóker í dag að breski spilarinn Ronnie O´Sullivan gekk skyndilega á dyr í miðjum undanúrslitaleik gegn Steven Hendry. O´Sullivan var undir 4-1 í leiknum, en tók í hönd andstæðngs síns og gekk út eftir að honum mistókst skot og því var Hendry dæmdur sigur.

Þessi uppákoma fékk nokkuð á áhorfendur og andstæðing hans, en Hendry var dæmdur 9-1 sigur og mætir hann því annað hvort Steve Davis eða Graeme Dott í úrslitaleiknum. O´Sullivan hefur alltaf þótt nokkuð villtur spilari, en hann hefur átt við þunglyndi að stríða á síðustu árum og hefur þótt nokkuð villtur af snókerspilara að vera.