Sálfræðistríðið hafið

Sálfræðistríðið fyrir leik Manchester United og Chelsea er nú komið vel af stað og Alex Ferguson svaraði í dag ummælum Peter Kenyon þess efnis að Chelsea myndi taka fram úr United fljótlega og verða stærsti klúbburinn á Englandi.

"Það er fín tímasetning hjá honum að tala um þetta, en við skjálfum ekkert út af þessu. Sumir segja að við eigum 50 milljón stuðningsmenn á heimsvísu og sumir 500 milljónir. Hver svo sem sú tala er, er það ljóst að við eigum flesta stuðningsmenn vegna þess að við spilum skemmtilega knattspyrnu. Þannig hefur það alltaf verið hjá þessu frábæra félagi," sagði Ferguson.