Veðrið setti strik í reikning Samfylkingarinnar

Talning á atkvæðum úr prófkjöri Samfylkingar í Suðurkjördæmi hefst klukkan tvö á morgun þar sem öll kjörgögn skiluðu sér ekki í hús í kvöld vegna veðurs. Kjörgögnin sem um ræðir eru atkvæði úr prófkjöri flokksins í Vestmannaeyjum.

Ekkert hefur verið flogið á milli lands og Vestmannaeyja í dag vegna veðurs og komst Herjólfur ekki heldur á milli. Talning fer fram á Selfossi og kusu um 5000 manns í prófkjörinu, sem fór fram á laugardaginn var. Búist er við fyrstu tölum klukkan rúmlega sex annað kvöld.