Campbell mun halda utan

Arsene Wenger segir að ensk úrvalsdeildarlið sem eru á höttunum eftir varnarmanninum Sol Campbell muni ekki eiga erindi sem erfiði því hann muni eflaust reyna fyrir sér erlendis í framtíðinni. Campbell tilkynnti óvænt að hann væri hættur hjá Arsenal í gær og eðlilega hefur orðrómur um framtíð hans farið hratt af stað á Englandi.

"Campbell er á leið til annars lands til að reyna fyrir sér á nýum vettvangi og við óskum honum alls hins besta þar. Ég virði þessa ákvörðun hans og við þurfum að þakka honum vel fyrir hans frábæra framlag til félagsins á síðustu árum," sagði Wenger.