Óttaðist að komast ekki á HM

Framherjinn sterki Wayne Rooney hefur viðurkennt að hann hafi óttast mjög að hann missti af HM eftir að hann fótbrotnaði fyrir um tveimur mánuðum. Rooney tókst þó að jafna sig í tæka tíð og komst á mótið, en á enn eftir að komast á blað í markaskorun.

"Ég óttaðist mjög að missa af mótinu, því þetta var skelfilegur tími til að verða fyrir meiðslum. Ég var þó staðráðinn í að ná heilsu og það tókst. Ég verð betri með hverjum deginum sem líður, mér gengur betur og betur á æfingum og vonandi fer það að skila sér í bættri frammistöðu á vellinum," sagði Rooney.