Heildarkostnaður ríkissjóðs vegna nefndastarfa á vegum ráðuneyta nam nær einum og hálfum milljarði króna á síðasta ári. Tæplega helmingur þeirrar upphæðar er til kominn vegna starfa einkavæðingarnefndar.
Þetta kemur fram í svari forsætisráðherra við fyrirspurn Jóhönnu Sigurðardóttur, þingmanns Samfylkingarinnar. Alls voru tæplega 4.700 manns í nefndum, þar af rúmlega 2.000 hjá menntamálaráðuneyti.
