Öruggur sigur Keflvíkinga

Keflvíkingar eru komnir með 1-0 forystu í einvígi sínu gegn Fjölni í úrslitakeppni Iceland Express deildinni í körfubolta eftir auðveldan 94-78 sigur á heimavelli sínum Sláturhúsinu í kvöld.

Keflvíkingar náðu strax góðri forystu í leiknum og létu hana aldrei af hendi. AJ Moye var stigahæstur í liði heimamanna með 26 stig, Vlad Boeriu skoraði 16 stig og þeir Jón Hafsteinsson og Gunnar Einarsson skoruðu 12 stig hvor.

Grady Reynolds skoraði 25 stig fyrir Fjölni, Hörður Vilhjálmsson 23 og Nemanja Sovic skoraði 14 stig. Næsti leikur fer fram í Grafarvogi og þar geta Keflvíkingar klárað dæmið með sigri.