Tileinkuðu Smith sigurinn

Það vakti athygli að leikmenn Manchester United klæddust allir bolum sem á stóð "This is for Smudger" eftir að sigurinn í deildarbikarnum var í höfn í dag, en það var sérstök kveðja til Alan Smith sem meiddist illa á dögunum og gat ekki leikið með liðinu í dag.

"Okkur þótti leiðinlegt að Alan skyldi ekki geta spilað með okkur í dag og því ákváðum við að senda honum smá kveðju. Lið okkar hefur verið gagnrýnt harðlega á síðasta ári og kannski réttilega, en við vonum að þessi sigur í dag verði byrjunin á nýjum og betri tímun hjá okkur," sagði Gary Neville, fyrirliði Manchester United.