Hefur áhuga á Barcelona

Lionel Scaloni, félagi Anton Ferdinand hjá West Ham, segir Ferdinand taka orðrómi um áhuga Barcelona á sér mjög alvarlega og segir hinn unga varnarmann vera mjög áhugasaman um spænsku deildina.

"Anton virðist hafa áhuga á að skoða möguleikann á því að spila á Spáni. Hann hefur beðið mig að kenna sér að tala spænsku og mér þykir það undirstrika að hann hefði áhuga á því að ganga til liðs við Barcelona ef félagið gerir tilboð í hann," sagði Scaloni, sem sjálfur er í láni hjá West Ham frá Deportivo á Spáni.