Fer í myndatöku í dag

Framherjinn Emile Heskey hjá Birmingham þarf að fara í myndatöku í dag þar sem hnémeiðsli sem hann varð fyrir í leiknum gegn Charlton um helgina verða metin. Steve Bruce óttast að hann gæti misst leikmanninn í lengri tíma.

"Emile fékk högg á hnéð um helgina og fer í myndatöku í dag þar sem ástand hans verður metið. Ég bíð með krosslagða fingur og vona að allt verði í lagi með hann," sagði Bruce, sem nýverið fékk til sín framherjann Jason Euell frá Charlton, en gæti jafnvel þurft að útvega sér annan framherja ef meiðsli Heskey reynast alvarleg. Það mun væntanlega ekki reynast honum auðvelt, því hann hefur úr litlum peningum að moða á meðan liðið er í bullandi fallbaráttu.