Eggert leggur inn tilboð í West Ham

Búist er við því að Eggert Magnússon og viðskiptafélagar hans muni leggja inn formlegt tilboð í enska knattspyrnuliðið West Ham í dag eða á allra næstu dögum. Talið er að tilboðið hljóði upp á um tíu milljarða íslenskra króna, eða 75 milljónir punda.

Einnig munu fjárfestarnir yfirtaka skuldir félagsins sem nema um þremur milljörðum íslenskra króna, eða um 22 milljónum punda. Ráðgjafar Eggerts hafa að undanförnu skoðað bókhald West Ham þar sem ekkert óvenjulegt kom í ljós.