Frank Posch yfirgefur Fram

Þýski varnarmaðurinn Frank Posch er genginn í raðir Stjörnunnar í Garðabæ. Posch lék með Fram í sumar við góðan orðstír og lék alla leiki liðsins, en Fram vann fyrstu deildina með þónokkrum yfirburðum.

Frank Posch lék því aðeins eitt tímabil með Fram en hann gekk í raðir félagsins í vor og samningur hans við Fram var að renna út.

Lárus Guðmundsson þjálfari Stjörnunnar hefur verið duglegur að safna liðstyrk upp á síðkastið því fyrr í vikunni gekk unglingalandsliðsmaðurinn Elvar Freyr Arnþórsson til liðs við Stjörnuna frá Val. - dsd