Farinn frá Southampton

Harðjaxlinn Dennis Wise hjá Southampton er sagður hafa yfirgefið herbúðir Southampton í fússi um helgina eftir að ljóst varð að hann yrði ekki ráðinn knattspyrnustjóri félagsins til frambúðar.

Rupert Lowe, stjórnarformaður Southampton, svaraði fyrir sig í gær og sagði að úr því að Wise hefði brugðist svo illa við ráðningu George Burley í starf knattspyrnustjóra hjá félaginu - væri það betur statt án Wise. "Hann hagaði sér ekki vel og það sýnir að hann hafði ekki nægilega auðmýkt til að kyngja því að verða ekki fyrir valinu sem næsti stjóri félagsins. Mér þykja viðbrögð hans ansi loðin," sagði Lowe og þvertók fyrir að Wise hefði verið lofað stöðunni hjá félaginu eftir að Harry Redknapp fór aftur í úrvalsdeildina og tók við Portsmouth.