Woodgate þakkaði sjúkraþjálfaranum

Varnarmaðurinn Jonathan Woodgate fagnaði marki sínu fyrir Real Madrid í Meistaradeildinni í gær með því að stökkva í fangið á sjúkraþjálfaranum sínum sem stóð á hliðarlínunni og segir að hann sé maðurinn á bak við endurkomu sína úr meiðslum. "Hann hjálpaði mér í gegn um erfiða tíma og það var frábært að geta fagnað með honum," sagði Woodgate, sem upplifði sannkallaða meiðslamartröð eftir að hann kom til Real Madrid og gat ekki spilað í hálft annað ár. "Ég fagnaði með Alfonso Del Corral af því hann er vinur minn og hann er mér mikils virði. Hann, ásamt stuðningsmönnum Real, hafa gert mér kleift að eiga góða endurkomu úr meiðslunum," sagði Woodgate.