Juventus í 5 stiga forystu

Juventus náði 5 stiga forystu á toppi ítölsku úrvalsdeildarinnar í fótbolta í kvöld með 2-0 sigri á Inter Milan. David Trezeguet og Pavel Nedved skoruðu mörk Juve sem er með 18 stig eða fullt húst stiga eftir 6 umferðir í Serie A. AC Milan og Fiorentina koma næst með 13 stig í öðru og þriðja sæti. Juventus hefur byrjað tímabilið með stæl en auk þess að vera með fullt hús heimafyrir hefur liðið unnið tvo fyrstu leikina sína í Meistaradeildinni. Síðasta tap Juve var í ágúst gegn Inter Milan í úrslitaleik ítölsku Super Cup bikarkeppninnar.