Baros ætlar að skora grimmt

Tékkneski framherjinn Milan Baros hjá Aston Villa ætlar að vera iðinn við kolann í markaskorun fyrir nýja liðið sitt og segir að leikstíll liðsins muni hjálpa sér að skora miklu meira en hann gerði þegar hann var hjá Liverpool. "Leikstíll David O´Leary hentar mér betur en leikstíll Liverpool gerði á sínum tíma. Ég skoraði ekki mikið af mörkum fyrir Liverpool, en ég held að hér hjá Villa muni ég skora meira í líkingu við það sem ég hef gert hjá landsliðinu," sagði Baros, sem skoraði einmitt sigurmark Aston Villa í sigrinum á Blackburn um helgina.