Keflavík 2-0 undir

Keflvíkingar hafa lent 2-0 undir gegn Mainz þegar 71 mínúta er liðin af leiknum. Michael Johansen leikmaður Keflavíkur braut á leikmanni Mainz inni í vítateig og fengu heimamenn vítaspyrnu sem Babatz skoraði úr. Einni mínútu áður átti Guðmundur Steinarsson besta færi Keflavíkur. Hann tók skot af 35 metra færi sem hafði viðkomu af varnarmanni og markvörður heimamanna rétt náði að slá boltann í stöng þaðan sem hann fékk boltann aftur í lúkurnar. Heimamenn hefa ennþá talsverða yfirburði og fer leikurinn nánast fram á vallarhelmingi Keflavíkur. Ómar Jóhannsson hefur varið vel og komið í veg fyrir að heimamenn séu með ennþá stærri forystu.