Hierro hættur

Fyrrum leikmaður Real Madrid og spænska landsliðsins, Fernando Hierro, hefur tilkynnt að hann muni leggja skóna á hilluna eftir yfirstandandi tímabil. ,,Ég er ákveðinn, ég vil hætta á meðan ég er ennþá að spila á meðal þeirra bestu," sagði þessi 37-ára gamli leikmaður Bolton Wanderers. Hierro, sem spilaði 89 leiki fyrir spænska landsliðið sem er met fyrir útispilandi leikmann, kom til Bolton í júlí síðastliðnum á árs lánssamningi frá liði í Katar, en þar spilaði hann eitt tímabil eftir að hafa spilað með Real Madrid og unnið með þeim sex Spánartitla og þrjá Evróputitla. Hierro kom til Real Madrid frá Valladolid árið 1989.