Liverpool óttast ólæti

Forráðamenn Liverpool óttast að uppúr sjóði meðal stuðningsmanna á síðari leik liðsins við Juventus í Meistaradeildinni í næstu viku. Stuðningsmenn Juventus létu ófriðlega þegar minningarathöfn um þá sem létust fór fram á Anfield fyrir leikinn í fyrradag og sýndu mikið virðingarleysi þegar Liverpool baðst afsökunar á þætti sínum í slysinu hræðilega á Heysel leikvangnum fyrir 20 árum. Mikill öryggisviðbúnaður verður viðhafður í leiknum í Tórínó í næstu viku og er vitað til þess að treglega gengur að selja miða á leikinn á Englandi, því fólk óttast mjög um öryggi sitt á Ítalíu.