Farþegum fjölgar áfram

Farþegum í millilandaflugi Icelandair fjölgaði um 6,7% í febrúar í ár í samanburði við febrúar á síðasta ári. Þetta kemur fram í frétta á heimasíðu Kauphallar Íslands. Farþegar í febrúar voru rúmlega 70 þúsund í ár en tæp 66 þúsund í fyrra. Sætanýting var einnig 2 prósentustigum betri, framboð var 5 prósentum meira, en sala 8,6 prósentum meiri. Á fyrstu tveimur mánuðum ársins hefur farþegum Icelandair fjölgað um 9,2% milli ára, úr 131 þúsundi í fyrra í 143 þúsund í ár. Sætanýting hefur aukist um tæplega eitt prósentustig en framboðið er 9,5 prósentum meira en á fyrstu tveimur mánuðunum 2004. Þá voru farþegar í innanlandsflugi Flugfélags Íslands voru nánast jafn margir og í febrúar á síðasta ári, eða tæp 24 þúsund. Á fyrstu tveimur mánuðum ársins eru þeir 4,5 prósentum fleiri en í fyrra.