AC Milan í lykilstöðu?

AC Milan er í lykilstöðu í einvígi sínu við Juventus um ítalska meistaratitilinn. Þetta lét Gianluigi Buffon, markvörður Juventus, hafa eftir sér á dögunum. Liðin eru jöfn að stigum í tveimur efstu sætum deildarinnar en Buffon finnst Milan vera nokkrum fetum framar hvað sálfræðilegu hliðina snertir. "Ég myndi telja líkurnar vera 51% gegn 49%, Milan í hag," sagði Buffon. "Við vonumst til að laga stöðu okkar um helgina þegar við mætum Roma. Það gæti gert gæfumuninn því Milan á eftir að leika við liðið seinna á leiktíðinni."