Owen leyndi ekki ánægju sinni

Michael Owen fer ekki leynt með ánægju sína með að hafa skorað eitt af mörkum Real Madrid gegn Betis í fyrrakvöld. Owen lék leikinn frá upphafi til enda og minnti rækilega á sig. "Ég var mjög sáttur með minn leik og mér leið vel á vellinum. Það var mikilvægt fyrir mig að skora og sýna fólki að ég er vel fær um að að vera í byrjunarliðinu," sagði Owen, sem er nú næstmarkahæsti leikmaður Real í deildinni með átta mörk, þrátt fyrir takmarkaðan spilatíma. Ronaldo hefur skorað einu marki meira.