Reynir Baugur yfirtöku að nýju?

Baugur er talinn líklegur til að reyna nýja leið til að yfirtaka bresku matvælakeðjuna Somerfield Plc. samkvæmt heimildamanni Reuters-fréttastofunnar. Þar er ekki endilega átt við að hærra tilboð verði gert í keðjuna en það sem gert var í febrúar þegar Baugur bauð 190 pens á hlut. Heimildarmaðurinn segir meira en fimmtíu prósent líkur á að Baugi takist yfirtakan en að það verði líklega ekki fyrr en í næstu viku. Hreinn Loftsson, stjórnarformaður Baugs, vildi ekki tjá sig um málið þegar Bylgjan ræddi við hann og ekki náðist í Jón Ásgeir Jóhannesson, forstjóra fyrirtækisins, sem staddur er í London.