Hagnaður Burðaráss 9,3 milljarðar

Burðarás hagnaðist um rúma 9,3 milljarða á síðasta ári. Þar af nam hagnaður af fjárfestingarstarfsemi 8.461 milljónum króna og segir í fréttatilkynningu að hann megi rekja til sölu á sjávarútvegsarmi félagsins í dótturfélögum Brims og mikillar hækkunar á innlendum hlutabréfamarkaði í fyrra. Innleystur hagnaður dótturfélagsins Eimskipafélags Íslands var 990 milljónir. Þá kemur enn fremur fram að heildareignir Burðaráss hafi numið tæpum 85 milljörðum króna í lok árs 2004 en þær hafi verið 31 milljarði króna minni ári fyrr.