Edda PP kaupir Prentmet

Fyrirtækið Edda Printing and Publishing hefur fyrir hönd óstofnaðs eignarhaldsfélags keypt Prentmet ehf. Fyrir á Edda PP allt hlutafé í Edda Printing LLC sem rekur eina stærstu og fullkomnustu prentsmiðju í Pétursborg í Rússlandi. Áætluð sameiginleg velta prentsmiðjanna á Íslandi og í Rússlandi á yfirstandandi ári er vel á fjórða milljarð króna, þar af rúmlega helmingur ytra samkvæmt tilkynningu frá fyrirtækinu. Viðskiptin eru þó háð fyrirvara um niðurstöður áreiðanleikakönnunar. Kaupverð fyrirtækisins er trúnaðarmál. Prentmet var stofnað árið 1992 af hjónunum Guðmundi Ragnari Guðmundssyni og Ingibjörgu Steinunni Ingjaldsdóttur og munu þau starfa áfram hjá fyrirtækinu. Rúmlega 100 manns starfa nú hjá því. Eigendur Eddu Printing and Publishing eru Björgólfur Guðmundsson, Magnús Þorsteinsson, Páll Bragi Kristjónsson og Þór Kristjánsson.