Vill aðeins snúa aftur til United
David Beckham, leikmaður Real Madrid og fyrirliði enska landsliðsins, segir í viðtali við The Daily Mirror í dag að ef hann hætti hjá Real Madrid og fari aftur til Englands verði áfangastaður hans Old Trafford í Manchester. Hann vilji vinna með Sir Alex Ferguson. Beckham segist hins vegar ekki á förum frá Real Madrid alveg á næstunni.
