Þinguðu um kaup Símans á Skjá 1

Guðmundur Sigurðsson, forstöðumaður samkeppnissviðs Samkeppnisstofnunar átti fund með Brynjólfi Bjarnasyni, forstjóra Símans, í gær. Guðmundur segir að rætt hafi verið um kaup Símans á hlut í Skjá einum og að fundurinn hafi verið upplýsandi. Hann segir að athugun Samkeppnisstofnunar fari nú í hefðbundið ferli sem taki vonandi sem skemmstan tíma. Litið verði á málið úr ýmsum áttum, meðal annars hvort kaupin flokkist sem samruni og hvort Síminn hafi fylgt fyrri úrskurðum stofnunarinnar um aðskilnað síma- og sjóvarpsreksturs.