Margir þingmenn andvígir kaupunum

Margir þingmenn Sjálfstæðisflokksins eru andvígir kaupum Símans á fjórðungshlut í Skjá einum. Sigurður Kári Kristjánsson efast um að Geir H. Haarde, fjármálaráðherra, hafi tekið þátt í samningunum. Samkomulag hefur náðst um kaup Símans á 26 prósenta hlut í Skjá einum, en á meðal þess sem fylgir í pakkanum er Enski boltinn og þar með betri dreifing á útsnendingum um allt land. Sigurður Kári Kristjánsson, þingmaður Sjálfstæðisflokksins er afar undrandi á þessum kaupum, enda segist hann hafa flutt mörg þingmál um að minnka umsvif ríkisins á fjarskipta og fjölmiðlamarkaði, og jafnvel lagt fram frumvarp um að selja Ríkisútvarpið. Hann segir þessi kaup Landssímans sem sé ríkisfyritæki, á eignarhlut í einkafyrirtæki, sé skref í þveröfuga átt. Hann segist ósáttur við að ríkisfyrirtæki sé að auka þátttöku hins opinbera á þessum markaði. Þá sé kaup á svona stórum hluta í Skjá einum ekki vera í samræmi við þau stefnumið sem talað hefði verið fyrir í sumar í tengslum við fjölmiðlalögin. Sigurður vill þó ekki draga ályktun um hvort þingmeirihluti myndi nást um málið ef það kæmi til kasta Alþingis. Hann segist þó vita af nokkrum þingmönnum Sjálfstæðisflokksins sem ættu erfitt með að styðja svona gjörning. Hann segist ekki vita til þess að Geir H. Haarde hafi komið að þessum samningum og efast reyndar um að svo hafi verið, enda hafi hann þá ekki samþykki margra þingmanna Sjálfstæðisflokkins. Hann segist gera ráð fyrir að samningurinn hafi verið gerður á ábyrgð stjórnenda Símans. Það sé hins vegar ljóst að einhverjir þingmenn innan Sjálfstæðisflokksins séu ekki hrifnir af þessari þróun mála og að það sé ekki víðtækur stuðningu allra Sjálfstæðismanna við þessi viðskipti.